الخُلع في أسبوع اسباب غريبة في المحاكم من السيدات المطلقات.

0
42

الخُلع في أسبوع اسباب غريبة في المحاكم من السيدات المطلقات.

متابعة: هويدا زكي

شهدت محاكم الأسرة هذا الأسبوع، العديد من قضايا الخلع، باختلاف الأسباب والدوافع، أبطال هذه القصص أشخاص عاديون ولكن كتب لهم القدر أن تكتب أسماؤهم فى سجلات القضاء.

ذكرت رقية: ضربنى وأنا فى الرابع والجنين مات وإيدى اتكسرت من أول ما اتجوزته وهو مش بيتعامل معايا غير بالضرب، إيده سابقة لسانه كان معيشنى فى رعب بخاف اتكلم أو أنسي أجهز حاجة من طلباته، عشان ميضربنيش لأنى ضربه غبي وبيسيب كدمات فى وشي وجسمى، لكن على الرغم من كدا وأنا بعمل كل حاجة بيحتاجها إلا إنه بيتحجج على ايه ويضربنى ويقول لى الست مش بتخاف غير بالضرب عشان متعملش حاجة غلط، لحد آخر مرة ضربنى فيها كنت حامل فى الرابع ودا لأنى طلبت منه أروح عند دكتور كويس بدل العيادات الصحية، لحد ما موت ابنى منه لله”.. كلمات موجعة نطقت بها رقية وهى داخل محكمة الأسرة لرفع دعوى خلع من زوجها بعد 9 شهور من الزواج مبررة استحالة العشرة معه.

أضافت سماح: “اتجوز عليا عشان جسمى تخن شوية أختارنى بإرداته لما اتقدم لي، ومحدش غصبه عليا، وطبيعى إنى لما أحمل وأخلف جسمى يزيد شوية لكن هو متقبلش دا وكان شايف إنى بعمل رجيم عشان خاطره، وراح عرف عليا واحدة مطلقة وقرر يتجوزها عليا، وعايزنى أعيش معاه ورافض يطلقني”.. جاءت هذه الكلمات على لسان “سماح” وهى داخل محكمة الأسرة لرفع دعوى خلع من زوجها بعد ٤ سنوات من الزواج مبررة استحالة العشرة معه.

أكدت أحلام: عايزنى أدفع ثمن أكلي وباقي المرتب أعطيه لأمه ولم اتخيل أن زوجي تزوجني من أجل راتبي فقط، وليس حبا حيث طلب مني بعد الزواج بشهرين أن أشارك بمرتبي فى مصاريف البيت،و بمرور الشهور وقبل عام من الزواج واجهها بالحقيقة وطلب مني أن ادفع النصف فى مصروفات البيت حساب طعامي والباقى لحماتي لكى تدخره معها مما جعلني اقف داخل محكمة الأسرة لرفع دعوى خلع

ذكرت رحاب: ضربني عشان اتأخرت 5 دقايق وأنا بحضر الفطار طلب مني أحضر فطار وكان ابنى بيبكى فاتأخرت خمس دقايق مش أكتر على الفطار، اتفأجت بيه بيضربنى لحد ما جسمى اتكسر من كتر الضرب دا غير الإهانة والذل وبعد معاناة الجيران قدروا يطلعوني من تحت ايده وسبت ليه البيت بعد ما ابنى اتعور وهو بيضربنى”، نطقت رحاب بهذه الكلمات وهي داخل محكمة الأسرة لرفع دعوى خلع من زوجها بعد عام ونصف من الزواج؛ مبررة بتلك المعاملة استحالة العشرة معه بعد التعدى عليها بالضرب المبرح.

Advertisement

ترك الرد

الرجاء إدخال تعليقك!
الرجاء إدخال اسمك هنا