ذبحت نفسى عليكى

1
861

كلمات / ابراهيم وليم

ذبحت نفسي عليكي وسال علي ترابك دمي

وقلت بكره تفوقي بكره تفوقي او حتي تهتمي

طفحت فيكي الكوته وبقيت ببيع دمي

ولا عايزه في يوم تفوقي ولا تحملي همي

تدي القاتل عنيكي وانا القتيل وعنيا من الفقر مكسوره

معرياني وانا اللي مفصل هدومك عشان تكوني مستوره

بتاكلي شقايا وتشربي دمي غموكي عني ولا هتبقي مسعوره

بلف فيكي في مكاني والدنيا مولد وانا بلف بتنوره

عملتي من الفقر ملعب والكل لعيبه وانا الكوره

كل ده ومش عارف اكرهك وعايزك تضحكي في الصوره

كل ده ولساكي حبيبتي وعايزك طول العمر منصوره

Advertisement

1 تعليق

ترك الرد

الرجاء إدخال تعليقك!
الرجاء إدخال اسمك هنا