رسالة بنت عم غربق بلطيم تكشف تواضع امكانيات المصيف فى انتشال جثث الغرقى

0
292

 

رسالة بنت عم غربق بلطيم تكشف تواضع امكانيات المصيف فى انتشال جثث الغرقى

كتبت / ستيرة عطية

ابن عمي المهندس نورالدين سعد غرق امبارح فى بحر بلطيم الساعه 5ونص الفجر

ولحد دلوقتي مش لاقينه وبلغنا وعملنا كل حاجة وملقيناش فيه إمكانيات خالص فى بلطيم لإنقاذ اي غريق بصراحة

مجرد شبكه بتترمي ف البحر وينزلوا الميه يسحبوها ويشوفوا فيها حاجه ولا لا وخلاص، لكن ولا فيه غواص ولا فيه غيره ولا فيه اي حاجة تهدي حرقه قلوبنا عليه وكل اللي علينا اننا قاعدين قدام البحر وبنلف الشواطئ يمكن جثته تطلع ولحد دلوقتي مفيش اي حاجة.

 

عمي مش بيتكلم ومش قادر ينطق وبيقول عايز اشوفه لو مره أخيرة وادفنه واعرف له مكان اروح له كل فتره حتى اقراله قرآن .

حزن كبير مغطى علينا وعلي بيوتنا وع عيلتنا وع كل فرد عرفه واتعامل معاه كبير أو صغير

عمي قالي عايز اي حد ينزل الميه يدور مش عارف يعمل ايه

اي غواص خاص بأي فلوس هو عايزه حتى لو هندفع كل اللي حيلتنا بس نجيبه ويدفن جنبنا

لو حد يعرف نعمل ايه او فيه فعلا غواص خاص ممكن يعمل كده او اي حاجه وهل ده ينفع ويجوز ولا لا؟

حد يدلنا نعمل ايه ،احنا مش بنام وأمه بتنادي عليه ونايمه ع الرملة مستنياه.

ارجوكم اهتموا باللي بقوله

 

Advertisement

ترك الرد

الرجاء إدخال تعليقك!
الرجاء إدخال اسمك هنا