كلام خطير عن فيروس كورونا .. لازم تعرفه

0
133

كلام خطير عن فيروس كورونا .. لازم تعرفه

بقلم / د. عزة عوض

 

مبدأيا هو مش كائن حي ، هو حمض نووي بيحلم يبقي كائن حي ، ومالوش حياه غير جوا خلايا الرئه ، فهي المكان الوحيد اللي ممكن يستوعبه ويديلو كميه الاوكسجين اللي محتاجها علشان يعيش .

 

– طريقه العدوى

ينتقل عبر الرزاز من شخص للتاني او من علي ايديك لأنفك ثم للقصبه الهوائيه استعداد للتسلل للرئه ، وبمجرد دخوله الحلق هايقابل اعصار من اللعاب يجبره علي دخول المعده علشان يتفرم من احماضها وبكده مايعرفش يدخل الرئه ويموت .

وعند دخوله من الفم هايتشبس بجدار الحلق اطول وقت ممكن( علشان كده زورك هيوجعك ) ويمص كل اللعاب علشان جفاف الحلق هايخلي اي شويه هوا يدخلوه علي الرئه ( علشان كده ريقك بينشف) عشان كده لازم تشرب مياه كتير وياريت دافيه علشان تجبره يدخل المعده ويغور في داهيه .

في اللحظه دي المخ بيعرف اللي بيحصل فيبتدي يرفع حراره جسمك علشان يقتله ( علشان كده بتسخن ) ساعتها ارجوك اتغرغ بمياه عليها خل وليمون وملح هايموت فورا .

 

ماذا لو دخل الرئه ؟

في الحاله دي هايحتل اي خليه ويسكن فيها ويتحول لكائن حي ويبتدي يتكاثر ويعمل من الخليه مصنع فيروسات كان لايستطيع عمله وهو خارج جسم الانسان ،علشان كده الجلوس ف البيت يقلل انتشاره ويقضي عليه ، كمان هيبدأ

على الفور خط دفاع كرات الدم البيضا يهاجمه بشكل عشوائي.

 

الصحة العامة

لو قلبك وضغط الدم واللياقه كويسيين هاتضخ كميه دم كبيره مليانه مضادات دفاع وتقتله ( ده الانسان اللي مناعته قويه ) علشان كده نتحرك ونلعب رياضه في البييت ونبطل تدخين علشان نقوي الدوره الدمويه وبلاش قاعده طول اليوم .

خلي بالك الاكتئاب والخوف والوهم وتداول الاخبار المرعبه بتشل جهاز المناعه وتخلي المرض يتمكن منك .

 

لسه الفيروس فى الرئه ووزارة الدفاع الربانية بيحاول تقتله وغالبا بتنجح بس اللي مناعته ضعيفه او اللي بيدخن كتير هايفشل و هاترجع كرات الدم البيضه مهزومه لكن معاها عينه من الفيروس فيبتدي جهاز المناعه يصنع اجسام مضاده مناسبه لشخصية الفيروس ويرجع يدمره ،بس للاسف التصنيع محتاج من يومين لخمسه ايام وممكن يكون الفيروس دمر الرئه ، لو الانسان كبير فى السن ( فوق ال ٧٠) او مناعته ضعيفه او عنده مرض قوي، لكن لو جسمه سليم وصحته معقوله هايصبر لحد ما الاجسام المضاده تيجي تدمر الفيروس وده بيحصل عند النسبه الاكبر .

 

ملحوظة مهمة

٨١٪ ؜من اللي بيجيلهم الفيروس مناعة الجسم تتمكن من قتله دون ان يدرى المصاب ، اما  ١٩٪؜ وهما عباره عن ١٥ ٪؜ بيخضعو للحجر او العلاج ويشفو باكامل ، فاضل كده ٤٪؜وهما متكونين من ٢٪ ؜بيدخلو العنايه المركزه ويشفو بالكامل ، و٢٪ اللي اتكلمت عنهم ( كبار السن والمريض بضعف المناعه او مرض خطير ) للاسف بيموت .

 

الخلاصه :

نسبه الشفاء من الفيروس 98% و بدون مصل يعني اضعف فيروس ظهر ف الكون .

– ليس له تأثير علي اكتر من 99 % من الاطفال وخطورته علي كبار السن فوق ال ٦٥ والمرضي بضعف المناعه.

– اخطر حاجه ممكن تصيبك بالمرض هو التوتر والقلق ومتابعه الاخبار السيئه وقله النوم وعدم الحركه والعدوي بالتجمعات .

اللي يدمر المرض هو التفاول ولعب الرياضه في البيت

لتنشيط الدوره الدمويه وأكل الخضار الاخضر والفاكهه

 

Advertisement

ترك الرد

الرجاء إدخال تعليقك!
الرجاء إدخال اسمك هنا